Montegelo

Located 40 kms from Cagayan de Oro City, Montegelo Farms nestles in Barangay San Miguel. Montegelo Farms is a great venue for weddings, debuts, corporate meetings, retreats More »

Saddle Ridge Camp

Live like a cowboy at the Saddle Ridge Camp located just within the vicinity of Dahilayan Adventure Park. More »

Kampo Juan

Adventure, Nature and Culture awaits you KAMPO JUAN in Barangay Dicklum. The newest eco-adventure destination in town, Kampo Juan is named in honor of Dr. Juan Acosta, More »

Dahilayan Gardens & Resort

Nestled at the base of beautiful Mt. Kitanglad is Dahilayan Gardens and Resort. It encompasses all that you could ask for when searching for a place to play, relax and unwind amidst More »

Dahilayan Forest Park

Dahilayan Forest Park offers an array of fun and activities for the whole family and friends. Enjoy nature’s beauty at the forest picnic grounds sprawling with pine trees and life size animals More »

Bagalangit Ultimate Bivouac

For an ultimate outdoor fun and extraordinary adventure experience, Bagalangit Ultimate Bivouac is where you should be. More »

 

Category Archives: News

Pinakadakong Local Income Naangkon sa Dalirig

Gikan sa ika-walo nga adunay pinakadakong local income sa 22 sa barangay sa tuig 2015, nag-una na sa tuig 2016 ang barangay Dalirig sa local income nga mikabat sa dul-an P1.5 million gikan sa kapin kwatro-sientos mil (P440,000) lamang sa 2015. Tungod niini, gikan sa 84.41% nga IRA (Internal Revenue Allotment) dependency rate sa Dalirig miubos kini ngadto sa 65.54% sa tuig 2016. Sa dokumento nga nakuha gikan sa Municipal Accounting Office, nahimutang sa nag-unang lima ka barangay nga adunay pinakadagkong kita gikan sa lokal nga tinubdan ang Dalirig, Agusan Canyon, Alae, Lingi-on ug Maluko.

Matud pa ni Kapitan Floramae Penaso  sa barangay Dalirig, ang pagsaka sa ilang lokal income tungod sa mga bag-ong patigayon nga misulod sa ilang barangay, pagkugi sa pagkolekta ug pagplastar sa mga angay gastuhan sa barangay. Mikabat sa kapin utso punto utso milyones ka pesos (P8.8M+) ang kinatibuk-ang lokal income sa 22 ka barangay sa tuig 2016. Miangat kini og halos usa ka milyon kon ikumpara sa 2015.

Nag-una gihapon nga adunay labing dakong IRA ang barangay Damilag nga gikan sa dul-an sais punto tres  milyones (P6.3M) nga IRA sa 2015 sa tuig 2016 nakaangkon og sais punto nuybe milyones (P6.M) nga IRA. Pinakagamay ang IRA sa Minsuro nga mikabat lamang sa uno punto tres milyones (P1.3M).

Miss Earth England Mibisita sa Manolo Fortich

Kabahin sa pag-anhi ni Miss Earth England 2015 Ms. Katrina Kendall sa Bukidnon bag-ohay pa lamang ang pagbisita sa Manolo Fortich. Si Miss Kendall usa ka Ambassadress sa Mt. Kitanglad Range Natural Park diin usa ang atong lungsod nga anaa sa tiilan niini. Tumong sa British-Filipino beauty queen ang adbokasiya sa pag-amping sa kinaiyahan ug pag-amping sa Mt. Kitanglad.

Matud pa ni Miss Kendall ang pagka-beauty titlist usa ka kahigayunan nga madungog ang iyang tingog. Isip usaka graduate og master’s degree in Environmental and Sustainable Chemistry, gigamit niya ang iyang kahibalo aron ipadayag sa bisan asa siya, ang kamahinungdanon sa kinaiyahan, pag atiman sa mga nahibiling biodiversity ug protected areas og ang paghimo og mga lakang aron kini panalipdan.

Sa iyang pag-anhi sa Manolo Fortich ug pagpakigkita kang Mayor Clive D. Quiño, gabisita usab niya ang Del Monte Golf Club House ug Kampo Juan. Matud pa niya, ganahan siya sa Manolo Fortich tungod sa lamiang mga pinya dinhi ug tungod sa mga mainitong mga katawhan nga nanimuyo dinhi. Dili na kini ang iyang unang pag-anhi sa Bukidnon sanglit kabahin sa iyang bakasyon gikan sa trabaho ang pag-attend sa mga meeting sa Protected Area Management Bureau (PAMB) ug uban pang kalihukan isip ambassador sa Mt. Kitanglad.

Bag-ong Buildings Tukoron sa Bagalangit Elementary School

Nagtinabangay ang Pangagamhanang Lokal sa Manolo Fortich ug ang Join Together Society (JTS), usa ka Koreano nga kahugpungan, alang sa pagtukod og 2-classroom building ug Teacher’s Cottage sa Bagalangit Elementary School nga sakop sa Kalugmanan ning lungsod. Mayo 18, nagtagbo ang mga opisyales sa lungsod pinanguluhan ni Vice Mayor Miguel D. Demata ug ang JTS pinanguluhan  ni Mr. Wonju Lee sa maong dapit  aron ipahigayon ang ground breaking ceremony. Misaksi usab niini, ang mga school heads sa silingang mga eskwelahan, konseho sa barangay Kalugmanan pinanguluhan ni Kapitan Menelio P. Goayan, mga ginikanan ug mga kabataan nga nagtungha sa Bagalangit.

Matud pa ni Mr. Lee, nakita niya ang sitwasyon sa mga maestra nga matulog lamang sa usa ka gi-ayom ayom nga lawak sa eskwelahan busa naaghat sila nga motabang. Dili lamang kini ang unang pagpatukod og classroom sa JTS sa maong eskwelahan. Gani ang tukorong classroom abay lamang sa napatukod nga  school building sa mga estudyanteng  volunteers gikan sa Korea nga mibisita kanhi sa dapit. Ang kinatibuk-ang proyekto mikantidad og dos milyones ka pesos (P2M) ug i-implementar pinaagi sa 60-40 sharing diin 60% ang iya sa JTS, ug 40% ang paga-gastuhan sa lungsod.

Kulbahinam nga Dula sa Basketball Miresulta sa Overtime

Nalingaw pag-ayo ang mga manan-away sa kulbahinam nga dula sa duha ka teams sa basketball sa Barangay San Miguel batok Barangay Alae sa Senior Division. Kini atol sa gihimong champion games sa gipasiugdahang Municipal Olympics Season 4 sa Manolo Fortich gymnasium Hunyo 8, 2017. Sa mao nga dula na-angkon sa team sa Barangay San Miguel ang kampeonato pinaagi sa overtime score nga 83-75 batok  sa Barangay Alae. Naangkon usab sa Barangay Lunocan ang ikatulong puesto human napildi niini ang Barangay Tankulan sa score nga 83-72.

Nakadawat ug Php 20,000 mil pesos cash prize  ang Barangay San Miguel  isip kampeon sa senior division. Sa Junior division nga unang nahuman nahimong kampeon ang Barangay Tankulan og sila nakadawat ug Php 15,000 mil pesos nga cash prize. Sa Volleyball Women’s  Division, nahimong kampeon gihapon ang Barangay Tankulan nga  nakadawat og Php 10,000 mil pesos cash prize.

Matod pa  ni Mr. Jay Alquisar–Municipal Sports Coordinator, ang Municipal Olympic gimugna niadto pang panahon ni kanhi Mayor Rogelio R. Quino tuig 2013 ug gi-padayon  karon ni Municipal Mayor Clive D. Quino. Ang Municipal Olympics gimugna aron pagdevelop sa talento sa mga kabatan-onan  sa pagdula ug basketball ilabina  diha sa barangay. Mitambong matud pa sa maong final games ang pipila ka coaches gikan sa Cagayan de Oro City, aron pagpangita ug potential players nga posibleng mahimong varsity players ug masuportahan nila pinaagi paghatag ug full scholarship sa kolehiyo.

Secretary Andanar, sa Manolo Fortich nag-Independence Day

Sa usa talagsaong higayon, napili ni Presidential Communications Operations Office (PCOO) Secretary Jose Ruperto M. Martin Andanar nga magsaulog sa ika-119 nga Independence Day dinhi sa Manolo Fortich. Si Secretary Andanar uban ni 52nd Engineering Brigade Commander Col. Dionisio C Baudin Jr., ang nangulo sa pagpakayab sa nasudnong bandila samtang gikanta ang nasudnong awit uban ang Manolo Fortich National High School SPA (Special Program for the Arts) Vocals. Kini atol sa kasaulogan nga gipahigayon sa Legislative Compound ug gitambungan sa mga opisyales ug empleyado sa lungsod, mga pangulo sa lain-laing ahensya lokal ug nasyonal ug ingon man mga uniformed personnel.

Matud pa ni Andanar, ang mga cabinet secretaries sa pangulo gipakatag sa lain laing dapit atol sa pagsaulog sa Independence day agi og pagpadayag nga taliwala sa kagubot sa Marawi, padayon gihapon ang kalihukan, panginabuhi ug komersyo sa ubang dapit sa Mindanao.  Ug kini matud pa ang rason nga iyang gipili nga dinhi saulogon ang Independence day. Ang Manolo Fortich, matud pa ni Secretary Andanar nga nagdako sa Cagayan de Oro City, padayon nga naglambo. Ang turismo anaa buhi ug ang mga katawhan nagkahiusa ug padayon nga nakigbisog sa kinabuhi.

Sa iyang pagpakigpulong gipangayo niya ang hamubong kahilom ug  giaghat ang tanan nga iampo ug suportahan ang mga sundalo nga nakig-gyera sa Marawi. “While they are at war, we should praise them and make them feel that they are the real heroes of our country today,” matud pa niya.  Agi og pagsaludar sa mga sundalo ug pulis nga namatay sa Marawi, sa udtong tutok, usa ka video ang gipasundayag sa tibuok Pilipinas diin anaa ang pangalanug hulagway sa mga bayani sa Marawi.

Dugang pa ni Secretary Andanar, ang pagpataas sa mga Maute sa bandila sa ISIS nagpasabot sa ilang pagluib sa ilang pagpanumpa sa “katapatan” sa Republika ng Pilipinas. “Isa lamang ang ibig sabihin nito: nais nilang humiwalay sa Pilipinas. Hindi ito maaaring mangyari at hindi ito papayagan ng ating pamahalaan at maging ng ating kapwa Pilipino,” dugang pa niya. Tema sa kasaulogan karong tuiga ang “Kalayaan 2017: Pagbabagong Sama-samang Babalikatin”.

Si Secretary Andanar ug Col. Baudin, nangulo usab sa naandang wreath laying ceremony sa monumento ni Dr. Jose Rizal ug pagpalupad sa mga salampati pagsimbolo sa kalinaw. Sila si Mayor Clive D. Quiño, Vice Mayor Miguel D. Demata ug mga konsehales sa lungsod nagpalupad usab og mga puting balloons pagsimbolo sa pangindahay nga maangkon na ang matuod nga kalinaw. Gipasidunggan usab sa kalihukan ang mga upat ka nahibiling beterano sa Manolo Fortich nga sila si Cresino D. Bahaynon, Adelino L. Gaspe, Sancho M. Mamac ug Celestino M. Onahon uban ang mga asawa sa laing 26 ka mga namatay nga beterano. Nakigduyog usab sa kasaulogan dinhi sa Manolo Fortich sila si kanhi Presidential Adviser for Environmental Protection ug kanhi Kongresista  Neric O. Acosta ug Department of Tourism Region 10 Director Marie Elaine Unchuan.