Montegelo

Located 40 kms from Cagayan de Oro City, Montegelo Farms nestles in Barangay San Miguel. Montegelo Farms is a great venue for weddings, debuts, corporate meetings, retreats More »

Saddle Ridge Camp

Live like a cowboy at the Saddle Ridge Camp located just within the vicinity of Dahilayan Adventure Park. More »

Kampo Juan

Adventure, Nature and Culture awaits you KAMPO JUAN in Barangay Dicklum. The newest eco-adventure destination in town, Kampo Juan is named in honor of Dr. Juan Acosta, More »

Dahilayan Gardens & Resort

Nestled at the base of beautiful Mt. Kitanglad is Dahilayan Gardens and Resort. It encompasses all that you could ask for when searching for a place to play, relax and unwind amidst More »

Dahilayan Forest Park

Dahilayan Forest Park offers an array of fun and activities for the whole family and friends. Enjoy nature’s beauty at the forest picnic grounds sprawling with pine trees and life size animals More »

Bagalangit Ultimate Bivouac

For an ultimate outdoor fun and extraordinary adventure experience, Bagalangit Ultimate Bivouac is where you should be. More »

 

Category Archives: News

Kahugpungang Relihiyoso Upat na ka Tuig

Gisaulog sa Manolo Fortich Ministerial Association (MFMA) ang ika-upat nga tuig sa pagkamugna sa maong kahugpungan. Alayon niini, usa ka anniversary activity gihimo didto sa Alomah’s Place sa barangay Dahilayan ning lungsod.

Nahimong bisita sa kalihukan ang bag-ong hepe sa Manolo Fortich Police Station PCI Ritchie Yandug nga naghisgot usab sa dakong ikatabang sa mga ministro sa mga misurender sa “Oplan Tokhang”. Bag-ohay pa lamang, gi-training ang mga miembro sa MFMA aron mahimong speakers sa Community Based Rehabilitation program.

Tuig 2014 unang natukod ang MFMA nga usa sa mga sector nga na-organisar pinaagi sa Revitalized Quest Total Community Development (RQTTCD) project. Kini gipanguluhan ni Rev. Fr. Noel Pedregosa sa simbahang Katoliko parokya sa Immaculada Conception. Ang MFMA gilangkuban sa dul-an kinse ka mga nagkalain-laing denominasyon nga anaa sa Manolo Fortich. Pinaagi sa binulang panagtagbo nahimong suod ang mga ministro ug nagtinabangay sa pagtunol sa ilang pag-alagad sa lungsod dili lamang sa pag-ampo nga mahinungdanon  sa tanan, kondili lakip usab sa pagpahigayon og kasal sibil ug paghatag og speakers alang sa mga values, pamilya ug  uban pang hisgutanan sa mga katiguman o seminars.

Agi og pagpasalamat sa MFMA, naghatag ang lungsod og token nga kumbong o scarf sa mga mitambong sa MFMA 4th Anniversary.

Disaster Resilient Classroom Gitukod sa Ticala

Samtang sa Brigada Eskwela, usa ka classroom building nga hinimo sa talagsaong material nga gitawag og ICE (Interconnecting Environment) blocks ang giturn-over Mayo 17, 2017 sa luyong bahin Ticala Elementary School. Matud pa ni Konsehal Reynaldo “Bojun” Bagayas Jr, ang Engineer sa maong proyekto, ang maong materyales naghimo sa building nga fireproof hangtud upat ka oras ug earthquake proof hangtud intensity 7.

Matud pa ni Ms. Ma. Bella Victoria Quimpo, Del Monte Foundation Inc. Executive Director, ang paghatag sa building agi og pagsaulog ug pagpasalamat sa Del Monte Philippines Inc. sa ika-90 ka tuig niini. “This classroom with fifty (50) arm chairs and comfort room symbolizes the company’s support to Ticala as one of its corporate citizens”, dugang pa niya.

Si Vice Mayor Miguel D. Demata sa iyang mensahe, nagpasalamat sa DMFI ug DMPI sa pagpatalinghug sa hangyo sa lungsod ug mga school heads aron matubag ang kakulangon sa classroom sa Ticala. Gihangyo usab niya ang mga ginikanan nga suportahan ang mga kabataan aron aduna silay interest nga motungha. Si Dr. Rollen B. Sumo-oy- Senior Education Program Specialist sa Department of Education (DepEd) nagpasalamat usab sa lungsod ug sa DMPI-DMFI ug nagkanayon nga magmugna sila og mga propesyonal gikan sa maong building. Si Ms. Joy Flores–DepEd Manolo Fortich 1 Supervisor, ug ang  mga magtutudlo sa Ticala Elementary School  pinanguluhan ni School Head Ms. Sherry Joy C. Susana mipadangat usab sa ilang kalipay  ug pasalamat uban sa tibuok konseho sa  barangay Ticala.

Manolo Fortich Gi-assess alang sa SGLG

Gibisita sa tulo ka miembro sa Regional Assessment Team (RAT) pinanguluhan ni Maam Elsie A. Rebucas–Local Government Operations Officer VI sa Department of Interior and Local Government (DILG), ang lungsod sa Manolo Fortich alang sa Seal of Good Local Governance (SGLG).  Kabahin sa maong RAT sila si Maam Elena B. Rabaya sa DILG Bukidnon ug Pastor Rodney M. Sarilla sa Civil Society representative.

Atol sa pagbisita sa RAT, isa-isa nga gi-interview ang mga hingtungdang mga opisina ug gitan-aw ang mga dokumento. Sa exit conference, nga gitambungan sa mga heads of offices pinanguluhan ni Engr. Miguel N. Quiño- Municipal Administrator, gipadayag sa mga evaluators ang mga nakita nila sa pag-evaluate. Matud pa ni Ms. Rebucas, basi sa mga criteria, pasado ang Manolo Fortich, apan aduna pa matud pay validating team gikan sa nasyonal nga motan-aw sa mga potential SGLG passers ayha pa mogawas ang pinal nga resulta.

Mas gipatas-an pa karon ang basehanan sa pagpasar sa usa ka local government sa SGLG. Sigon sa DILG Memorandum Circular 2017-53, ang 2017 SGLG magsunod sa “4+1 principle”. Kinahanglang pasahon sa mga LGUs ang mga rekisitos sa upat ka core areas: Financial Administration, Disaster Preparedness, Social Protection, ug Peace and Order. Ug alang sa +1, kinahanglang pasahon ang at least usa niini nga mga essential areas: Business-Friendliness and Competitiveness, Environmental Protection, ug Tourism, Culture and the Arts.

Promotional Video sa Manolo Fortich Gipasundayag sa Kaulohan

Gawas sa paghatag og bag-ong AED (Automated External Defibrillator), gipadayag usab ni Congresswoman Ma. Lourdes Acosta-Alba nga napasundayag na ang photo-story exhibit bahin sa Manolo Fortich sa Ninoy Aquino International Airport 3 (NAIA 3) sulod sa tulo ka semana ug pagkahuman ipasundayag usab kini og laing duha ka semana sa House of Representatives. Gawas pa niini, nakahan-ay pa usab kining ipasundayag sa NAIA 2 ug padayon ang negosasyon para mapasundayag sa Trinoma, Mall of Asia, sa Cebu ug basin pa usab sa Bangkok, Thailand.

Ang maong dul-an sais minutos (6 minutes) nga video, gipahimo gayod sa buhatan ni Congresswoman Acosta-Alba aron suportahan ang naglambo nga turismo sa lungsod ug ingon man magdani og mga imbestor aron ma-develop ang uban pang potensyal nga dapit sa lungsod. Gibida isip usa ka dapit nga daling adtuan (within your reach) nga adunay “breathtaking nature”, “excellent food” ug amazing adventures. Makita usab sa video ang pag-imbitar ni Mayor Clive D. Quiño ug Congresswoman Malou Acosta-Alba sa mga motan-aw pagbisita sa atong dapit. Ang maong “Manolo Fortich Tourism Campaign Ad” makita usab sa youtube.

 

 

Unang Backhoe Loader Trainees, migraduar

Sulod sa kinse (15) ka adlaw nga training sa barangay Minsuro, trayentay tres (33) ka mga estudyante  ang nakatapos sa Backhoe Loader NC II. Ang maong training nga gipasiugdahan sa Global Mindanaw Polytechnic Inc, ug gi-abagan sa Department of Social Welfare and Development (DSWD) ug sa local Government Unit (LGU) sa Manolo Fortich mipahuman sa mga estudyante nga gikan sa  Dicklum, Sto. Niño., Mantibugao, ug Minsuro.

Sa gihimong Training Commencement Exercises, nakasuot ug itom nga tuga  ang mga graduates ug mipaso didto sa Manolo Fortich Gymnasium dili pa lamang dugay. Tema sa maong graduation ang; ”Pangandoy  Inubanan sa Saktong Kahanas ug Igong Pagpaningkamot, Sinugdanan sa Kalambuan”.  Ang maong okasyon gitambungan ni Municipal Mayor Clive D. Quiño, Global Mindanaw Polytechnic Inc, School President ug Keynote Speaker, mao si Mr.Ariel C. Hernandez, TESDA Bukidnon Provincial Director Kotie R. Bax, DSWD personels ug uban pang bisita.

Sa mensahe ni Mayor Clive Quiño, siya nagpasalamat sa DSWD sa ilang pagpaningkamot  nga mahatagan ug training ang mga miembro sa 4Ps og Backhoe Loader NC II training. Matod pa ni Mayor Clive, kini nga Backhoe Loader NC II Training, maoy labing una  dinhi sa lalawigan sa Bukidnon. Tungod ni-ini, hugot usab ang iyang pagpasalamat sa nagdumala sa Global Mindanaw Polytechnic Inc, sa pagpasiugda sa maong training. Gani, matod pa niya,  tungod sa ka busy pagtibawas sa mga proyekto wala makapahulam ang LGU og Backhoe panahon sa training kay lagi daghan man ang proyekto nga gitrabaho sa iyang  administrasyon. Gidasig usab sa Mayor ang mga graduates nga dili mohunong sa pagtuon susama sa iyang amahan, ug ubanan sa mga pag-ampo ang paningkamot aron makab-ot ang  mga pangandoy sa kinabuhi.

Si  Ms. Kotie R. Bax-TESDA Bukidnon Provincial Director sa iyang mensahe, midasig sa mga graduates nga dili kutob  lamang sa  Backhoe  Loader training  nga ilang apilan, kun mahimo ang tanang matang sa Heavy Equipments, ilang pagaton-an, aron mas dali  ang pagsulod nila ug trabaho. Matod ni Director Bax, ang TESDA karon, nagatanyag og ubay-ubay nga mga  trainings ug scholarships nga mahimo nilang  pahimuslan. Target sa TESDA nga ma-akomodar ang tanang aplikante aron mahatagan ang tanan ug higayon nga  maka-apil sa nagkalain-laing  training.

Nanghinaut si Director Bax, nga pinaagi sa pag-abag sa Public Employment & Scholarship Office (PESO), daghang makasulod ug trabaho ang mga mi-graduar.