Curfew Gipahugtan

Sigon sa Implementing Rules and Regulations sa bag-ong Orden Ehekutibo, ang curfew hours magsugod sa alas dyes sa gabii (10pm) taman sa alas kwatro sa kadlawon (4am).  Ang tanang makitang naa sa gawas ning mga orasa posibleng sitahon ug pangitaan og identification card lakip ang exempted nga mga trabahante nga kinahanglan mogawas og sayo sa ilang mga pinuy-anan.  Ang dili makapakita og tukmang ID’s mamahimong i-detenar sa mga otoridad. Laing exempted sa curfew ang mga tawong adunay emerhensya o mitambong sa mga kalihukan nga maghatag og kapasikaran sa ilang wala pagtuman sa curfew hours.

Ang curfew gi-imposar subay sa rekomendasyon sa Municipal Peace and Order Council alayon sa Presidential Proclamation No. 216 pag-deklarar sa Martial Law sa pulo sa Mindanao niadtong Marso 23, 2017. Kahinumduman nga ang lungsod sa Manolo Fortich aduna nay ordinansa nga nag-establisar sa curfew gikan sa alas onse sa gabii ngadto sa alas tres a kaadlawon (11pm-3am), ug kini mas gipatas-an og dyutay niining panahon sa Martial Law.

 

Leave a Reply

%d bloggers like this: