DMPI Misuporta sa Serbisyo Tunghaan

Arst2012on makatigom og dugang pondo aron itabang sa Serbisyo Tunghaan project sa lungsod, mipahigayon Agosto 5, 2012 ang Del Monte Philippines Incorporated sa 4th Pineapple Trail Run. Kapin sa kwatro sientos (400) ang midagan sa 3k, 5k , 10k ug 15k nga kategorya sa maong aktibidad aron makasuporta sa Serbisyo Tunghaan. Nangulo sa kalihukan ang mga kadagkuan sa DMPI nga sila si Mr. Andre S. Jaranilla- Group Head PLTN Operations, Mr. Armin S. Narciso- Group Head HR Mindanao, Ms. Mae Allyn C. Linaac- Sr. Manager HR PLTN, Ms. Grace Maigue – Mgr. HR PLTN, ug Ronald E. Badayos- Camp Administrator. Misalmot usab ang mga empleyado sa Lokal nga Pangagamhanan uban ni Ms. Jedidiah B. Cariaga nga mao ang gitahasan karon ni Mayor Rogelio N. Quiño isip Coordinator sa Serbisyo Tunghaan.

Niining tanan mapasalamaton ang LGU, nga nakahuna-huna ang DMPI niining mamugnaong kalihukan aron maka-suporta sa usa sa iyang 15 ka special project. Laing hugna na usab sa mga school supplies ug bags ang ipanghatag sa Serbisyo Tunghaan karong tuiga ngadto sa mga giilang benepisyaryo sa programa ilabi na sa mga elementary schools ug day care centers sa mga gagmayng barangay.

%d bloggers like this: