Earth Day Gisaulog

Miduyog ang lungsod sa Manolo Fortich sa pagsaulog sa Earth day sa tibuok kalibutan pinaagi sa pagpahigayon og tree growing activity sa Mangima Tree Park. Duyog sa kapin 150 ka nasud sa tibuok kalibutan, ang maong kalihukan gipahigayon usab sa gikatakdang Earth day niadtong Abril 22.

Ang maong adlaw, makahuluganong gisaulog inablihan sa usa ka Santos nga Misa isip pagpasalamat sa Dios sa gasa sa kinaiyahan. Sanglit daghan na man ang napahigayong tree planting activity sa Mangima, nadesisyunan sa Municipal Environment and Natural Resources Office nga maoang nangulo sa kalihukan uban sa Department of Environment and Natural Resources Office, nga bisitahan na lamang ang mga gitanom nga kahoy aron mabasukan ug mabisbisan.

Sukad unang gisaulog ang earth day niadtong 1970, kini na ang ika-43 nga kasaulugan. Kini unang namugna tungod sa pagdagsang sa mga factories nga basta basta lang magpabuga sa tone-toneladang mahugawng aso ug uban pang hugaw niadtong panahona. Subo palandungon nga sa wala pay lakang pang kinaiyahan, legal kini nga ginahimo sa mga patigayon tungod kay wala pa usab mauso niadto ang mga balaudnon sama sa Clean Air or Clean Water Act ug uban pang mga balaudnon nga magpakgang kanila sa pagdaut sa kinaiyahan. Hangtud karon, ang maong kasaulogan usa gihapon ka pagpahinumdum sa tanan sa kamahinungdanon sa pag-atiman sa atong kinaiyahan kon asa nag-agad ang atong padayon nga pagpakabuhi ning kalibutan.

Leave a Reply

%d bloggers like this: