Earth Day Gisaulog

Sama sa ubang dapit sa nasod, gisaulog usab dinhi sa Manolo Fortich ang ika-42 nga “Earth day”. Ang maong kalihukan nga naka-schedule sa Abril 22 gihimo Abrilpinaagi sa usa ka tree planting, landscaping ug beautification activity sa Mangima Canyon Springs and Country Park.
Giablihan ang maong kalihukan sa usa ka misa sa alas syete sa buntag nga gisaulog ni Rev. Fr. Rey Raluto ug gihalad agi og pasalamat sa pag-iway sa atong lungsod nga grabe nga kadaut sa Bagyong Sendong. Gatusan ka mga partisipante gikan sa mga ahensya nasyonal ug kaopisinahang lokal dinhi sa Manolo Fortich ang mitambong aron pagbag-o sa ilang mga panumpa alang sa kaakuhan sa pag-atiman sa kalibutan ug paghatag og higayon nga mabisita ang ilang mga natamnan nga area sa miaging tuig. Atol sa maong kalihukan gipulian pagtanom ang mga kahoy nga namatay sa init, gibasokan ang palibot sa tinanom nga kahoy, gibisbisan ang mga punuan ug nananom og dugang punuan sa mga dapit nga mamahimo pang tamnan.
Sukad gisaulog ang Earth Day naandan na ang usa ka oras nga pagpalong sa suga kon Earth Hour agi og pahinungod sa kalibutan ug paghatag og gimbug-aton sa mahimo sa tawo alang sa pag-atiman niini. Apan niining tuiga, wala na kini gihimo tungod kay gawas nga nahimutang sa Domingo ang selebrasyon, nakita usab sa Municipal Environment and Natural Resources Office nga dili na kaayo angayan ang pagpalong sa suga tungod sa atong nasinating pag-brown out dinhi sa pulo sa Mindanao matag karon ug unya.

Leave a Reply

%d bloggers like this: