Espesyal nga RQPS Nagmalampuson

            Nagmalampuson ang gipahigayong espesyal nga Real Quality Public Service (RQPS) niadtong miaging Agosto 3 ning tuig. Kini nahitabo sa Dicklum, Manolo Fortich pinaagi sa sulat-hangyo sa Iglesia Filipina Independiente (IFI) atol sa ilang ika 110 nga kasumaran sa pagkatukod sa maong simbahan. Sama sa naandan, gidala gihapon sa maong programa sa RQPS ang mga serbisyo sama sa libreng pagkonsulta sa mga balatian, libreng ibot sa ngipon, pagpangrehistro sa mga kabataan, feeding program ug uban pa.

                Miuban sa pagtunol sa serbisyo si Hon. Miguel Demata-Sangguniang Bayan member nga mao ang project champ sa maong proyekto.  Mikabat ngadto sa tres syentos trayntay nuybe(339) ang naserbisyohan atol sa special RQPS. Mapasalamaton niini ang IFI ilabina kay miduyog usab ang mga opisyales sa barangay ug mga lumilihok niini.

             Wala usab mihikaw sa panahon ang mga empleyado/volunteer sa RED Cross Cagayan de Oro nga miduyog sa maong anibersaryo, pinaagi sa paghimo og blood letting activity. Samtang gipahigayon ang maong pagpanghatag sa mge serbisyo, usa sa mga kadagkoan sa maong simbahan ang mibatbat sa maong kasaysayan sa pagkahimugso sa maong simbahan. Gitapos ang maong programa sa paghatag sa dakong pagtahod sa Labawng Makagagahom sa mga miyembro sa IFI pinaagi sa misa pasalamat sa mga grasya nga Iyang gibubo pinaagi sa maong Iglesia.

%d bloggers like this: