Guilang-Guilang, Sto. Niño ug Dicklum Migulang Aktibong Barangay

Aktibong Barangay Award

Usa lamang sa matag kategorya sa Hinterland, Midland ug  Highway ang gitunolan og award isip Aktibong Barangay karong tuiga. Sahi kini sa naandang top3 sa matag Urban ug Rural Barangay Category. Migulang Aktibong barangay sa Hinterland category ning tuiga ang Barangay Guilang guilang pinanguluhan ni Kapitan Henrito Sumohoy,

Aktibong Barangay Award

LGU Manolo Fortich, Aktibong Barangay Award

Sto Niño pinanguluhan ni Kapitan Alberto Tinoy sa Midland ug Dicklum pinanguluhan ni Kapitan Nelson Binayao alang sa Highway barangay category. Tag dos syentos mil kantidad sa proyekto ang itunol kanila isip pahalipay depende sa ilang ipadalang proposal.

Ang pagpili sa Aktibong Baranggay nahimo pinaagi sa pag-kuha sa kinatibuk-ang pontos sa mga sona nga naglangkob sa 50% sa ilang grado samtang ang laing 50% gikuha gikan sa mga ratings nga gihatag sa Mayor’s Office alang sa ilang attendance ug compliance sa mga gipadalang mga imbitasyon o memo sa kabarangayan lakip na ang 15 special projects, Accounting Office alang sa ilang maayong pagdumala sa panudlanan, Engineer’s Office alang sa ilang maayong koordinasyon og pagpatuman sa mga proyekto, Health Office alang sa ilang pagsuporta sa programa sa panglawas, ug Local Civil Registrar sa ilang partisipasyon sa paspas ug hapsay nga pag-atiman sa birth ug death registration ug uban pang mga lihokonon.

Ang pagtunol sa mga awards gihimo atol sa Culminating Program sa 95th Charter day sa lungsod niadtong Abril 4. Mismo si Secretary Neric Acosta ang miabag kang Mayor Rogelio N. Quiño sa pagtunol sa mga tropeo.

Leave a Reply

%d bloggers like this: