Hydroelectric Power Plants Tukoron

MOA signing

Duha ka dagkong hydroelectric power plants ang pagatukoron sa Aboitiz Power dinhi sa lungsod sa Manolo Fortich. Alayon niini nakigpirmahay na og us aka Memorandum og Agreement (MOA) ang  Hedcor Bukidnon Incorporated nga usa ka subsidiary sa Aboitiz Power niadtong Mayo 28 sa Lokal nga Pangagamhanan sa Manolo Fortich aron pormal nang masugdan ang proyekto.

MOA signing LGU Manolo Fortich and HEDCOR

MOA signing LGU Manolo Fortich and HEDCOR

 

Nakalatid sa maong MOA ang mga angayng tumanon sa Hedcor ug sa LGU sa panahon nga sugdan ang operasyon. Usa niini, mao ang paghatag sa tukmang government share alang sa probinsya, lungsod ug nga beneficiary barangays sa Santiago, Guilang guilang, Dalirig ug Maluko. Subay matud pa sa Renewable Energy Act of 2008, adunay government share nga 1% sa gross income sa tanang renewable development energy projects sama sa Hydroelectric Power Plants ug gikan niini, 60% ang padulong sa national government ug 40% ang sa local government. Tulo ka local government ang magbahin bahin sa maong 40% ug kini mao ang probinsya, lungsod ug barangay. Subay sa bag-ong Department of Energy Circular, 20% niini ang igahin sa probinsya, 45% sa lungsod ug 35% sa beneficiary barangays.

Gawas pa niini, mohatag pa gayod ang Hedcor og uno sentimos matag kilowatt hour sa makuhang enerhiya gikan sa matag hydroelectric power plant. Kini ilang i-remit sa lungsod matag tuig sugod sa unang anibersaryo sa operasyon sa planta. Ang maong bahin madugangan usab og P0.0025 matag lima ka tuig sulod sa 25 ka tuig.

Magpatukod usab ang Hedcor or 25 ka streetlights matag tuig sulod sa unang duha sa tuig sa ilang operasyon. Ang dapit nga butangan ug ang pagbayad ug pag-mentinar sa mga poste, abagahon unya sa lungsod. Moapil usab ang Hedcor sa pag-atiman sag ma tinubdan sa tubig ug misaad nga mo-hire og mga trabahante gikan sa lungsod nga mosibo sa ilang mga gikinahanglan.

Sa laing bahin ang lungsod, motabang usab aron mapasayon ang pagsulod sa mga road right –of-way ug easements ingon man pagtabang sa pag-protehir sa mga tinubdan ug pagkuha sa kooperasyon sa katawhan.

Gina-ingon nga posibleng dili pa makita niini nga termino ang epekto sa maong pinirmahay apan ang kaayuhan niini nga proyekto sa madugay ug sa madali madawatan unya sa lungsod sa Manolo Fortich.

Leave a Reply

%d bloggers like this: