Kadagkuan sa Probinsya Mibisita sa Manolo Fortich

Gihatagan og higayon nila ni Gobernador Alex Calingasan ug Bise Gobernador Jose Ma. R. Zubiri Jr. ang pagbisita sa kabarangayan sa lungsod sa Manolo Fortich. Kini taliwala sa kahagip-ot sa panahon tungod sa pagpangampanya ug kalihukan sa eleksyon. Aron mas mapadali ang pagbisita sulod lamang sa tulo ka adlaw sugod Abril 24, gihimo kini pinaagi sa barangay clusters.

Unang giadtuan ang Maluko, Dalirig ug Sankanan diin miadto usab ang mga volunteers ug barangay officials sa Kalugmanan, Ticala ug Lindaban aron paghimamat sa gobernador ug bise gobernador. Miadto usab kuyog sa pag bisita sila si Board Member Clive Quiño ug Jay Albarece, ingon man ang mga kadagkuan sa lungsod pinanguluhan ni Mayor Rogelio N. Quiño ug mga kandidato sa Bukidnon Paglaum Party nga gitukod ni Vice-Governor Zubiri lakop si Maam Malou Acosta nga gitungha sa pipila ka kabarangayan. Ang primerong adlawgitapos sa pagbisita sa Tankulan public market area.

Pagka-Biyernes, gibisita na usab ang Cluster sa Dicklum ug Sto. Niño diha sa Dicklum Covered Court, San Miguel, cluster sa Minsuro ug Mantibugao sa Mantibugao Covered Court ug ang cluster sa Alae, Lunocan ug Mambatangan sa Alae Covered Court. Samtang pagka-Sabado gisunod ang Dahilayan, Mampayag, Damilag ug Agusan Canyon.

Leave a Reply

%d bloggers like this: