Kasambahay Law Gisugdan sa Pagpasabot

kasambahay orientation

Misugod na pag-adto ang Public Employment Services Office sa mga sitios ug kabarangayan sa Manolo Fortich aron ipasabot ang bag-ong gi-aprobahan nga “Kasambahay Law”. Ang PESO isip nag-representar isip Department of Labor and Employment sa atong lungsod busa sila ang gitahasan sa pagrehistro sa mga domestic workers uban ang barangay.

kasambahay orientation

KASAMBAHAY Law Orientation

Ang Republic Act 10361 kon“Batas Kasambahay”, napirmahan nga balaod niadtong Enero niining tuiga ang Implementing Rules and Regulations (IRR) niini na aprobahan niadtong Mayo 9, 2013. Isip pagpatuman niini, ipahigayon ang mass registration sa tanang domestic workers. Sa interview sa Barug Manolo Fortich kang Rene Gonzaga sa PESO Manolo Fortich, siya nagkanayon nga ang domestic workers didto magpa-rehistro sa barangay diin sila mo-trabaho apan kinahanglan silang molukat og rekisitos sama sa barangay ug zone clearance kon asa sila gikan nga lugar. Ang ilang buhatan matud pa ang mag-endorso ug mo-witness sa pagpirmahay og kontrata tali sa employer ug domestic worker, tungod kay sa higayon nga magka-problema sa barangay ug PESO usab pwede ng mosango ang trabahante o amo.

Dugang pa ni Mr. Gonzaga, ang maong balaud nagsakop sa tanang nagtrabaho sa balay sama sa all-around househelp, yaya, cook, gardener, labandera nga nagpuyo sa balay sa amo o mag-anhaan lang sa oras sa ting-trabaho kon stay out. Walay labot sa maong balaud ang nagtrabaho isip skilled worker sama sa driver, kahera, tindera, masahista ingon man kadtong gipapuyo ilalum sa foster family arrangement diin gipa-eskwela ang batan-on ug kadtong nag-trabaho nga gikontrata lang o gisuhulan og pipila kaadlaw aron manglaba o mangluto.

Gilantaw sa maong balaud dili lang ang kaayuhan sa domestic worker apan lakip usab ang nagpa-trabaho aron dili basta basta kining biyaan o mailad sa iyang kasambahay. Nakalatid usab sa balaudnon ang paghatag og tukmang day off, sweldo, PhilHealth Coverage, Social Security System membership ug uban pa. Subay sa R.A. 10361, anaa sa P2,500 ang minimum rate sa Metro Manila, samtang P2,000 sa mga syudad og 1st class municipalities sama sa Manolo Fortich ug tag P 1,500samga 2nd class hangtud4th class nga mga lungsod.

Leave a Reply

%d bloggers like this: