Kita sa Agusan Canyon Market Bahinon

Sukad nabalik sa lungsod sa Manolo Fortich ang pagdumala sa Agusan Canyon Market nakadugang na kini og halos P30,000 matag bulan sa kita sa lungsod. Apan kining maong income possible nang makibhangan sa higayon nga ma-aprobahan ang gituking pagbahin sa kita kon profit sharing sa lungsod ug sa barangay. Mayo 21, 2012 gihisgutan sa market committee pinanguluhan ni Konsehal Alex Payangga sulod sa conference sa munisipyo ang maong proposal uban nila Mayor Rogelio N. Quiño ug Kapitan Romela Sumohoy.
Ang sugyot sa barangay 60:40 ang pagbahinay diin sasyenta porsyento ang sa  munisipyo og  kwarenta porsyento sa barangay. Ang komitiba misugyot nga 75:25 samtang si Mayor Quiño misugyot og 70:30 nga maoy nauyonan sa kadaghanan. Gawas pa niini, gihangyo usab ni Kapitan Sumohoy nga ipadayon ang naandan na nilang pagkolekta og sukay sa mga mamaligyaay gawas sa merkado. Matud pa niya, buot usab sila nga aduna silay kabahin o mahimo diha sa pagdumala sa merkado ngalan nga ang merkado anaa sa ilang barangay. Miuyon usab niini si Mayor Quiño gani matud pa niya andam siya nga ihatag balik sa barangay ang merkado kon makadumala kini nga mokita ang maong economic enterprise. Apan dugang pa niya, angayang  tun-an ug obserbahan una pag-ayo sa komitiba ang nauyunang pamaagi og kon unsa man ang mahimong rekomendasyon sa komitiba ipadangat kini kaniya.

Sa pasiunang report gikan sa  Accounting Office mokabat ngadto sa P150,000 ang first quarter income sa Agusan Canyon market ikumpara sa Tankulan market nga adunay halod P500,000 nga net income.

%d bloggers like this: