LGU Manolo Fortich I-expropriate ang Luna sa Del Monte

 

Gibutyag ni Mayor Rogelio N. Quiño sa Municipal Development Council meeting sa munisipyo Agosto 14, nga kamulo karon ang lungsod sa proseso sa expropriation sa yuta nga gitamnan og pinya sa Del Monte Phillipines Inc. nga anaa mahimutang sa boundary sa Damilag ug Agusan Canyon. Kini aron tukuron sa umaabot sa maong dapit ang barangay site sa Agusan Canyon ug Integrated Market alang sa maong barangay ug silingang barangay sa Damilag. Kini usab, aksyon sa lungsod sa report sa Mines and Geosciences Bureau(MGB) bag-ohay pa lamang nga nagtumbok sa dal-og sa Agusan Canyon diin nahimutang ang merkado ug barangay site isip usa daghang landslide prone area sa lungsod.
    Sa milabay nga pipila ka bulan nagpasa ang Damilag ug Agusan Canyon of resolusyon alang sa pagpangita og luna alang sa maong mga imprastruktura. Sa hataas nga panahon, wala gayod makaplastar pag-ayo ang barangay Agusan Canyon ug maglisdo kini pag-expand sa mga imprastruktura tungod sa ka-apiki sa dal-og nga ilang nahimutangan. Subay sa balaod, mamahimong gamiton sa gobyerno ang expropriation process aron maangkon ang pribadong luna o propriedad kon gikinahanglang alang sa public purpose. Alayon niini, nakapadala na ang lungsod ug sulat ngadto sa DMPI aron paliton ang maong dapit sa makatarunganong kantidad. Sa pinaka-awahing balita, nasayran nga mitanyag og alternatibong dapit ang DMPI alang sa maong mga plano sa barangay ug lungsod. Sa higayon nga magkasabot ang DMPI ang ang lungsod possible unyang dili na moabot sa hataas nga proseso sa expropriation ang maong luna ug makapalit ang lungsod ug tukmang luna alang sa gilantawng merkado ug barangay site. 

%d bloggers like this: