Manolo Fortich Gidagsa og mga Bisita

Samtang nagkabibo ang turismo sa lungsod sa Manolo Fortich, nagkadaghan usab ang mga bisita nga gaanhi sa atong lugar dili lamang pagtan-aw sa nailang dual zipline sa Asya ug nature parks apan aron usab makat-on sa pamaagi sa pagdumala sa kasamtangang administrasyon.Pinakaawahing nakabisita dinhi mao ang mga opisyales ug kadagkuan sa Municipality of Mabinay Negros Oriental. Pagmugna og mga economic enterprise aron pagpadako sa local income ang nahimong interest sa pagbisita sa taga-Mabinay. Mianhi usab dili pa dugay ang mga Municipal Local Government Operations Officers sa rehiyon 10 nga naglangkob sa Misamis Oriental, Lanao del Norte, Camiguin ug Bukidnon dinhi aron tun-an ang pagpatuman sa Citizen’s charter sulod sa munisipyo.  Ang mga taga-Tangub City, Gingoog City ug Sta. Ana Tagoloan mitan-aw usab sa atol Municipal Slaughterhouse samtang ang taga Palauan, Mindoro, mga mayors sa Cebu ug uban pang mga bisita     na-interes usab sa atong 15 special projects.

Niining tanan, mapasalamaton si Mayor Rogelio N. Quiño nga dungan sa paglambo sa lungsod, hinay hinay usab nga nakita ug naila ang mga maayong lakang sa pamunuan diha sa governance, peace and order, disaster preparedness ug fiscal management.

%d bloggers like this: