Manolo Fortich, Bukidnon Nag 16-0 sa Eleksyon

Manolo Fortich Elected Officials CY 2013-2016

Mihimo og kasaysayan ang resulta sa May 2013 elections diin sa labing unang higayon sa lungsod sa Manolo Fortich, Bukidnon migulang mananaug ang tanang kandidato sa usa lamang sa partido. Gipakita sa katawhan sa lungsod ang makabubuhong niini nga suporta sa 16-0 nga kampanya sa Bukidnon Paglaum Party kon pagbotar straight sa tanang 16 ka kandidato sa partido.

Manolo Fortich, Bukidnon Elected Officials CY 2013-2016

Manolo Fortich, Bukidnon Elected Officials CY 2013-2016

Pipila ka minuto sa wala pa mag-alas 12 sa udto Mayo 14, gi-proklamar na sa Commission on Elections(COMELEC) ang resulta sa lungsod gikan sa Mayor, Bise Mayor ug 8 ka Konsehales taliwala nga wala pa madawat ang resulta sa Camp 1 diin adunay halos 600 ka mga botante. Matud ni COMELEC Officer Sarah Ebdalin, dili na kini maapektar sa midaug nga line-up diin ang ikawalong konsehal adunay lead nga kapin 1,000 botos sa nagsunod niini.

Bisan walay kaatbang, nakakuha si Mayor Rogelio N. Quiño og makabubuhong nga 29,170 botos. Kini sigon sa Statement of Votes sa COMELEC. Mas labaw kini og halos 3,000 botos sa nakuha niining botos sa 2010 elections diin kaatbang niya sa pagpapili mao ang usa sa iyang line-up nga Konsehal nga mao si Kapitan Raul S. Miñoza. Ang iyang bise-mayor nga si unang Konsehal Miguel D. Demata midaug usab batok kang Incumbent Vice Mayor Johnny C. Albarece pinaagi sa 4, 664 botos nga labaw diin ang boto 19,933 batok 15,269.

Sa mga konsehales, nabutang sa unang pwesto si Tankulan Punong Barangay Juanito “Titing” I. Quiño sa botos nga 19, 165. Miangat usab si Incumbent Councillor Mario “Jong” B. Albarece Jr. nga kanhi ika numero 7 ug karon ika-duha sa Sangguniang Bayan. Anaa sa ikatulo si Lingi-on Punong Barangay Eliezer “Larry” S. Onahon ug ika-upat  si Incumbent Councillor Atty. Jerson S. Leyson. Nagsunod usab sa ikalima si San Miguel Punong Barangay Raul”Roroy” S. Miñoza, ika-unom si Reynaldo “Bojun” L. Bagayas Jr., ikapito si Incumbent Councillor Ronulfo “Karogans” D. Ganas ug ikawalo si Warleo “Paki” A. Goayan.

Landslide usab ang pagdaug ni Incumbent Vice-Governor Jose Maria “Nonoy Joe” R. Zubiri Jr. pagka-gobernador pinaagi sa labaw nga halos 28,000 botos  batok sa nagsunod niining si Lynard Allan S. Bigcas. Pagka bise-gobernador, mibiya usa og halos 20,000 si Incumbent Governor Alex “Boy” P. Calingasan sa nagsunod niining si Incumbent Board Member Nemesio “Jun” B. Beltran Jr.

Bisan walay mga kaatbang, mikuha gihapon og dagkong botos sila si Board Member Clive D. Quiño nga adunay 23,922 botos ug si Board Member Jay S. Albarece nga adunay 17,083 votes.

Sa kongreso, nagmadaugon usab ang kandidato sa BPP nga si Maria Lourdes “Malou” O. Acosta sa 23,681 votes batok sa nagsunod niining si Incumbent Congressman Jesus Emmanuel M. Paras nga aduna lamay 13, 038 botos. Ug bisan wala palara nga modaug sa kinatibuk-an, midaug usab ang Atong Paglaum party list sa Manolo Fortich sa 6,934 botos ug milabaw og halos 700 botos sa nagsunod niining ABAMIN party-list.

Leave a Reply

%d bloggers like this: