Manolo Fortich Regional Champion sa Literacy

lgumanolofortich

Migula nga kampeon sa tibuok rehiyon 10 ang Manolo Fortich sa Regional Search for Outstanding Local Government Unit alang sa  National Literacy Awards. lgumanolofortich Gawas sa sulat nga una nang gipadala sa Department of  Education -10 nga nagpahibalo nga kita ang mahimong official entry alang sa nasyonal,  Mayo 17, 2012, mibisita usab ang ilang mga personahe pinanguluhan nila ni Dr. Enriqueta A. Cabahug ug Mr. Rolando B. Butalid aron ma-validate ang mga nalatid sa midaug nga entry sa Manolo Fortich ug magandam kanato alang sa final evaluation.

Gawas sa malampusong Alternative Learning System(ALS) program dakong puntos usab ang pagplastar sa lungsod sa talagsaong 15 ka special projects nga nakatabang sa kinatibuk-ang pag-ugmad sa literacy. Sa entry nga gi-sumite ni Mr. Alfredo de los Santos-ALS Coordinator, ginganlan ang RQPS(Real Quality Public Service), scholarship program, utanan sa tugkaran ug Serbisyo Tunghaan nga adunay dakong gikatampo sa literacy program sa lungsod kon pag-ugmad sa kahibalo sa pagbasa ug pagsulat sa kinatibuk-ang katawhan.

Sa pagkakaron naghulat ang lungsod kon mahiapil sa top 5 shortlist nga i-evaluate ug pilian sa taga-national alang sa National Literacy Awards.

%d bloggers like this: