Mayor Quiño Gipasidunggang Most Supportive Mayor

rq gipasidunggan

Laing pasidungog na usab ang nadawat sa lungsod sa Manolo Fortich atol sa 3rd Botika ng Barangay Summit niadtong Nobyembre 12, 2013 sa Taipan Hotel, Valencia City. Gidawat ni Maxilito Cadavez Sr., BNB Coordinator ang plake isip “Most Supportive Mayor” tungod sa suportadong programa sa BNB sa lungsod sa Manolo Fortich ug 100% functional nga mga BNBs. Gawas niana nahimo usab nga “Excellent Service Awardee” ang Pharmacist sa munisipyo nga mao usab ang Supervising Pharmacist sa BNB nga si Ms. Carmelita Amistoso.

Human sa masusing evaluation, napili usab nga Excellence Awardee sa Best Recording ang mga BNB operators nga sila si Mrs. Delsa Jayme sa Dicklum ug Maricel Emata sa Minsuro samtang nahimong No. 1 Sales Recognition awardee si Wilam D. Gayanilo sa Tankulan BNB.

Sa gihimong singing ug dance contest, wala usab magpa-iwit ang mga BNB operators sa Mampayag nga si Julieta Boyles ug ang grupo nga misayaw nakaangkon usab sa ikatulong dapit. Napili usab isip Presidente sa Federation og BNB Coordinators sa probinsya ang atong BNB Coordinator nga si Maxie Cadavez. Sila mihurar usab atol sa maong kalihukan diin mitambong ang Regional Director sa Deparment of Health Region 10 nga si Dr. Aristides C. Tan, Assistant Regional Director Dr. Jose R. Llacuna Jr. ug mga kadagkuan sa probinsya.

 

Leave a Reply

%d bloggers like this: