Mayor Quiño Midawat og Plake Gikan sa BFP

rq receive award

Usa si Mayor Rogelio N. Quiño sa piniling mayors  sa tibuok rehiyon 10  nga nakadawat og Plaque of Recognition atol sa pagsaulog sa 21st Anniversary sa Bureau of Fire Protection. Ang dakong kasaulogan  nga gitambungan sa mga kadagkuan sa BFP-10 pinanguluhan ni Regional Operations Officer Chief Inspector Richard Arbutante, DSC ug Supt. Lindy C. Lauzon DSC uban sa pinasidunggang dinapit nga si DILG(Department of Interior and Local Government) 10 Regional Director Atty. Rene K Burdeos gipahigayon Agosto 7, 2012 sa Country Village Hotel sa Carmen, syudad sa Cagayan de Oro.rq receive award
Mga mayores ug BFP stations sa tibuok rehiyon, mga kompaniya ug organisasyon nga adunay dakong gikatabang sa BFP ug maayong performance ingon man mga volunteer fire brigades sa Cagayan de Oro  ang gitunulan sa mga plake.  Sa probinsya sa Bukidnon, onse lamang ang gitunulan sa maong plake. Sama kang Mayor Quiño, pipila sa gitunulan mao usab sila si Mr. Stephen Gaisano III sa Gaisano Malls, Ms. Primy Cane sa ABS-CBN Cagayan de Oro, Pueblo de Oro ug uban pa.
Ning tuiga, napahimutang sa administrasyong Quiño ang BFP station sa Manolo Fortich sa bag-o ug mas haruhay niining building sa may Norminco ug ang BFP Manolo Fortich nahimong lig-ong partner sa RQRT(Respond Quickly Rescue Team) sa ilang trainings ug simulation drills.

%d bloggers like this: