Mayor Quiño Wala Makalapas sa Balaud sa Nepotismo

Nadawat sa munisipyo sa Manolo Fortich bag-ohay pa lamang ang “notice of decision” sa Civil Service Commission  pinirmahan ni CSC Chairman Francisco T. Duque III, kalabot sa  gi-petisyon ni Mayor Rogelio N. Quiño nga pag-inbalido sa iyang appointments nila ni Antonio N. Quiño Jr nga iyang igsoon ug kang Johnny M. Quiño nga iyang pag-umangkon sa CSC Regional Office tungod matud pa sa nepotismo.

Sa maong desisyon, gipaburan sa CSC nasyonal ang pag-appoint  sa mayor sa iyang igsoon ug pag-umangkon tungod kay wala kini makalapas sa nepotismo. “It must be emphasized that the purpose of appointing Johnny M. Quiño as Driver II was primarily based on the Mayor’s unwavering  confidence and trust….being always in the close proximity with the mayor. Thus, such appointment is based on the highest degree of trust and confidence and is beyond the ambit of nepotic appointment. Matud pa sa desisyon ang duha ka trabahante, sila si Johnny ug Antonio Quiño Jr, pareho nga casual ug anaa sa non-career positions busa dili kini sakop sa balaud bahin sa nepotismo. “It bears stressing that the Local Government Code of 1991 explicitly provides that the prohibition on nepotic appointment applies only to CAREER SERVICE and not to NON-CAREER SERVICE.”

Una niini , Agosto 29, 2012 nagpadala ang CSC Bukidnon og sulat kang Mayor Quiño nga gi-invalidate ang appointments sa duruha tungod sa paglapas sa nepotismo.   Oktubre 11 sa  maong tuig, nag-file si Mayor Quiño og mosyon sa CSC Regional Office 10 aron resolbahon kon siya nakalapas ba sa balaud sa nepotismo. Enero 9, 2013, mipagawas ang CSCRO-10 og desisyon pabor sa aksyon sa CSC Bukidnon, hinungdan nga misango ang mayor sa CSC nasyonal.

Dugang pa sa CSC nasyonal, ang maong sitwasyon ug desisyon susama usab sa ilang gipakanaug nga hukom  niadtong 2010 mahitungod sa  pag-appoint sa mayor sa lungsod sa Lebak, Sultan Kudarat  sa iyang tulo ka paryente, diin gibaliktad usab sa CSC nasyonal ang desisyon sa ilang  regional office.  Ang kopya sa maong desisyon  gihatag usab sa Auditor sa Manolo Fortich, CSC Bukidnon pinaagi kang Director II Ofelia S. Salvador ug CSCRO-10 pinaagi kang Director IV Lourdes Clavite-Vidal alang sa ilang tukmang aksyon.

One Response to Mayor Quiño Wala Makalapas sa Balaud sa Nepotismo

  1. Doyz says:

    Good job! 🙂

Leave a Reply

%d bloggers like this: