Miss 52nd EB Napiling Bb. Manolo Fortich

Gikoronahan si Miss Alexa Llacuna sa 52nd Engineer Brigade isip Bb. Manolo Fortich 2013 ning tuiga sa katorse ka kandidata. Napiling 1st Runner-up si Miss Nikee May Louise Sandoval sa Damilag, gisundan ni Miss Alyssa Diano sa Manolo Fortich Water District, Miss Vera Viola Annabel Javier sa Manolo Fortich National High School ug Miss Girlie Tao-on sa Barangay Dicklum.


Sama sa naandan, gidumog sa gatusan ka katawhan ang libreng pasundayag sa kaanyag ug abilidad sa mga kandidata sa municipal gymnasium nga milungtad hangtud alas 11 sa gabii niadtong Abril 3.
Si Miss Llacuna nga napili usab nga Miss Oro Integrated Cooperative, mao unya ang mo-representar sa lungsod sa Manolo Fortich sa Binibining Bukidnon sunod tuig.

Leave a Reply

%d bloggers like this: