Montegelo

Located 40 kms from Cagayan de Oro City, Montegelo Farms nestles in Barangay San Miguel. Montegelo Farms is a great venue for weddings, debuts, corporate meetings, retreats More »

Saddle Ridge Camp

Live like a cowboy at the Saddle Ridge Camp located just within the vicinity of Dahilayan Adventure Park. More »

Kampo Juan

Adventure, Nature and Culture awaits you KAMPO JUAN in Barangay Dicklum. The newest eco-adventure destination in town, Kampo Juan is named in honor of Dr. Juan Acosta, More »

Dahilayan Gardens & Resort

Nestled at the base of beautiful Mt. Kitanglad is Dahilayan Gardens and Resort. It encompasses all that you could ask for when searching for a place to play, relax and unwind amidst More »

Dahilayan Forest Park

Dahilayan Forest Park offers an array of fun and activities for the whole family and friends. Enjoy nature’s beauty at the forest picnic grounds sprawling with pine trees and life size animals More »

Bagalangit Ultimate Bivouac

For an ultimate outdoor fun and extraordinary adventure experience, Bagalangit Ultimate Bivouac is where you should be. More »

 

Secretary Andanar, sa Manolo Fortich nag-Independence Day

Sa usa talagsaong higayon, napili ni Presidential Communications Operations Office (PCOO) Secretary Jose Ruperto M. Martin Andanar nga magsaulog sa ika-119 nga Independence Day dinhi sa Manolo Fortich. Si Secretary Andanar uban ni 52nd Engineering Brigade Commander Col. Dionisio C Baudin Jr., ang nangulo sa pagpakayab sa nasudnong bandila samtang gikanta ang nasudnong awit uban ang Manolo Fortich National High School SPA (Special Program for the Arts) Vocals. Kini atol sa kasaulogan nga gipahigayon sa Legislative Compound ug gitambungan sa mga opisyales ug empleyado sa lungsod, mga pangulo sa lain-laing ahensya lokal ug nasyonal ug ingon man mga uniformed personnel.

Matud pa ni Andanar, ang mga cabinet secretaries sa pangulo gipakatag sa lain laing dapit atol sa pagsaulog sa Independence day agi og pagpadayag nga taliwala sa kagubot sa Marawi, padayon gihapon ang kalihukan, panginabuhi ug komersyo sa ubang dapit sa Mindanao.  Ug kini matud pa ang rason nga iyang gipili nga dinhi saulogon ang Independence day. Ang Manolo Fortich, matud pa ni Secretary Andanar nga nagdako sa Cagayan de Oro City, padayon nga naglambo. Ang turismo anaa buhi ug ang mga katawhan nagkahiusa ug padayon nga nakigbisog sa kinabuhi.

Sa iyang pagpakigpulong gipangayo niya ang hamubong kahilom ug  giaghat ang tanan nga iampo ug suportahan ang mga sundalo nga nakig-gyera sa Marawi. “While they are at war, we should praise them and make them feel that they are the real heroes of our country today,” matud pa niya.  Agi og pagsaludar sa mga sundalo ug pulis nga namatay sa Marawi, sa udtong tutok, usa ka video ang gipasundayag sa tibuok Pilipinas diin anaa ang pangalanug hulagway sa mga bayani sa Marawi.

Dugang pa ni Secretary Andanar, ang pagpataas sa mga Maute sa bandila sa ISIS nagpasabot sa ilang pagluib sa ilang pagpanumpa sa “katapatan” sa Republika ng Pilipinas. “Isa lamang ang ibig sabihin nito: nais nilang humiwalay sa Pilipinas. Hindi ito maaaring mangyari at hindi ito papayagan ng ating pamahalaan at maging ng ating kapwa Pilipino,” dugang pa niya. Tema sa kasaulogan karong tuiga ang “Kalayaan 2017: Pagbabagong Sama-samang Babalikatin”.

Si Secretary Andanar ug Col. Baudin, nangulo usab sa naandang wreath laying ceremony sa monumento ni Dr. Jose Rizal ug pagpalupad sa mga salampati pagsimbolo sa kalinaw. Sila si Mayor Clive D. Quiño, Vice Mayor Miguel D. Demata ug mga konsehales sa lungsod nagpalupad usab og mga puting balloons pagsimbolo sa pangindahay nga maangkon na ang matuod nga kalinaw. Gipasidunggan usab sa kalihukan ang mga upat ka nahibiling beterano sa Manolo Fortich nga sila si Cresino D. Bahaynon, Adelino L. Gaspe, Sancho M. Mamac ug Celestino M. Onahon uban ang mga asawa sa laing 26 ka mga namatay nga beterano. Nakigduyog usab sa kasaulogan dinhi sa Manolo Fortich sila si kanhi Presidential Adviser for Environmental Protection ug kanhi Kongresista  Neric O. Acosta ug Department of Tourism Region 10 Director Marie Elaine Unchuan.

Kahugpungang Relihiyoso Upat na ka Tuig

Gisaulog sa Manolo Fortich Ministerial Association (MFMA) ang ika-upat nga tuig sa pagkamugna sa maong kahugpungan. Alayon niini, usa ka anniversary activity gihimo didto sa Alomah’s Place sa barangay Dahilayan ning lungsod.

Nahimong bisita sa kalihukan ang bag-ong hepe sa Manolo Fortich Police Station PCI Ritchie Yandug nga naghisgot usab sa dakong ikatabang sa mga ministro sa mga misurender sa “Oplan Tokhang”. Bag-ohay pa lamang, gi-training ang mga miembro sa MFMA aron mahimong speakers sa Community Based Rehabilitation program.

Tuig 2014 unang natukod ang MFMA nga usa sa mga sector nga na-organisar pinaagi sa Revitalized Quest Total Community Development (RQTTCD) project. Kini gipanguluhan ni Rev. Fr. Noel Pedregosa sa simbahang Katoliko parokya sa Immaculada Conception. Ang MFMA gilangkuban sa dul-an kinse ka mga nagkalain-laing denominasyon nga anaa sa Manolo Fortich. Pinaagi sa binulang panagtagbo nahimong suod ang mga ministro ug nagtinabangay sa pagtunol sa ilang pag-alagad sa lungsod dili lamang sa pag-ampo nga mahinungdanon  sa tanan, kondili lakip usab sa pagpahigayon og kasal sibil ug paghatag og speakers alang sa mga values, pamilya ug  uban pang hisgutanan sa mga katiguman o seminars.

Agi og pagpasalamat sa MFMA, naghatag ang lungsod og token nga kumbong o scarf sa mga mitambong sa MFMA 4th Anniversary.

Disaster Resilient Classroom Gitukod sa Ticala

Samtang sa Brigada Eskwela, usa ka classroom building nga hinimo sa talagsaong material nga gitawag og ICE (Interconnecting Environment) blocks ang giturn-over Mayo 17, 2017 sa luyong bahin Ticala Elementary School. Matud pa ni Konsehal Reynaldo “Bojun” Bagayas Jr, ang Engineer sa maong proyekto, ang maong materyales naghimo sa building nga fireproof hangtud upat ka oras ug earthquake proof hangtud intensity 7.

Matud pa ni Ms. Ma. Bella Victoria Quimpo, Del Monte Foundation Inc. Executive Director, ang paghatag sa building agi og pagsaulog ug pagpasalamat sa Del Monte Philippines Inc. sa ika-90 ka tuig niini. “This classroom with fifty (50) arm chairs and comfort room symbolizes the company’s support to Ticala as one of its corporate citizens”, dugang pa niya.

Si Vice Mayor Miguel D. Demata sa iyang mensahe, nagpasalamat sa DMFI ug DMPI sa pagpatalinghug sa hangyo sa lungsod ug mga school heads aron matubag ang kakulangon sa classroom sa Ticala. Gihangyo usab niya ang mga ginikanan nga suportahan ang mga kabataan aron aduna silay interest nga motungha. Si Dr. Rollen B. Sumo-oy- Senior Education Program Specialist sa Department of Education (DepEd) nagpasalamat usab sa lungsod ug sa DMPI-DMFI ug nagkanayon nga magmugna sila og mga propesyonal gikan sa maong building. Si Ms. Joy Flores–DepEd Manolo Fortich 1 Supervisor, ug ang  mga magtutudlo sa Ticala Elementary School  pinanguluhan ni School Head Ms. Sherry Joy C. Susana mipadangat usab sa ilang kalipay  ug pasalamat uban sa tibuok konseho sa  barangay Ticala.

Manolo Fortich Gi-assess alang sa SGLG

Gibisita sa tulo ka miembro sa Regional Assessment Team (RAT) pinanguluhan ni Maam Elsie A. Rebucas–Local Government Operations Officer VI sa Department of Interior and Local Government (DILG), ang lungsod sa Manolo Fortich alang sa Seal of Good Local Governance (SGLG).  Kabahin sa maong RAT sila si Maam Elena B. Rabaya sa DILG Bukidnon ug Pastor Rodney M. Sarilla sa Civil Society representative.

Atol sa pagbisita sa RAT, isa-isa nga gi-interview ang mga hingtungdang mga opisina ug gitan-aw ang mga dokumento. Sa exit conference, nga gitambungan sa mga heads of offices pinanguluhan ni Engr. Miguel N. Quiño- Municipal Administrator, gipadayag sa mga evaluators ang mga nakita nila sa pag-evaluate. Matud pa ni Ms. Rebucas, basi sa mga criteria, pasado ang Manolo Fortich, apan aduna pa matud pay validating team gikan sa nasyonal nga motan-aw sa mga potential SGLG passers ayha pa mogawas ang pinal nga resulta.

Mas gipatas-an pa karon ang basehanan sa pagpasar sa usa ka local government sa SGLG. Sigon sa DILG Memorandum Circular 2017-53, ang 2017 SGLG magsunod sa “4+1 principle”. Kinahanglang pasahon sa mga LGUs ang mga rekisitos sa upat ka core areas: Financial Administration, Disaster Preparedness, Social Protection, ug Peace and Order. Ug alang sa +1, kinahanglang pasahon ang at least usa niini nga mga essential areas: Business-Friendliness and Competitiveness, Environmental Protection, ug Tourism, Culture and the Arts.

Promotional Video sa Manolo Fortich Gipasundayag sa Kaulohan

Gawas sa paghatag og bag-ong AED (Automated External Defibrillator), gipadayag usab ni Congresswoman Ma. Lourdes Acosta-Alba nga napasundayag na ang photo-story exhibit bahin sa Manolo Fortich sa Ninoy Aquino International Airport 3 (NAIA 3) sulod sa tulo ka semana ug pagkahuman ipasundayag usab kini og laing duha ka semana sa House of Representatives. Gawas pa niini, nakahan-ay pa usab kining ipasundayag sa NAIA 2 ug padayon ang negosasyon para mapasundayag sa Trinoma, Mall of Asia, sa Cebu ug basin pa usab sa Bangkok, Thailand.

Ang maong dul-an sais minutos (6 minutes) nga video, gipahimo gayod sa buhatan ni Congresswoman Acosta-Alba aron suportahan ang naglambo nga turismo sa lungsod ug ingon man magdani og mga imbestor aron ma-develop ang uban pang potensyal nga dapit sa lungsod. Gibida isip usa ka dapit nga daling adtuan (within your reach) nga adunay “breathtaking nature”, “excellent food” ug amazing adventures. Makita usab sa video ang pag-imbitar ni Mayor Clive D. Quiño ug Congresswoman Malou Acosta-Alba sa mga motan-aw pagbisita sa atong dapit. Ang maong “Manolo Fortich Tourism Campaign Ad” makita usab sa youtube.