Public Hearing sa Revised Zoning Ordinance Gipahigayon

Nagmalampuson ang gipahigayong public hearing sa bag-ong zoning ordinance sa lungsod sa Manolo Fortich Nobyembre 13 sa municipal gymnasium. Mitambong sa maong katiguman ang mga opisyales sa kabarangayan, mga representante sa pribadong sector ug mga opisyales pinanguluhan ni Konsehal Mario Albarece Jr. nga mao ang Committee Chairman sa Housing and Land Use. Didto usab sila Konsehal Juanito Quiño, Konsehal Raul S. Miñoza, Konsehal Atty. Jerson Leyson ug Konsehal Warleo Goayan.

Ang Revised Zoning Ordinance nagpakita sa nag-unang gamit sa mga luna ilabi na sa mga urban ug urbanizing barangays nga paspas ang paglambo ug paggamit sa mga yuta. Pipila sa mga anaa sa maong dokumento ang barangay Tankulan mao nga giilang nag-unang commercial zone ug ang Dicklum ug San Miguel ang mga Secondary Growth area. Giila usab isip adventure areas ang Dahilayan, Kalugmanan, ug Dalirig. Retirement haven usab ang Damilag ug San Miguel. Giklaro usab ang mga watershed, crop production, industrial ug forest protection areas. Ang maong dokumento mao ang pagabasihan sa pag-isyu og zoning clearance ilabi na sa mga magpatukod og dagkong establisimento, mag-abli og housing site ug uban pang negosyo o dagkong investment dinhi sa lungsod isip rekisito sa pagkuha og building permit. Kini ang magpamatuod nga ang tukorong establisimento mi-subay sa tukma o gitugutang gamit sa yuta nga ilang pagatukoran.

Leave a Reply

%d bloggers like this: