Radio Handler’s Eyeball Gipahigayon

Radio Handlers Eyeball

Halos dos syentos ka radio handlers sa tibuok lungsod sa Manolo Fortich ang nagkatapok alang sa 2nd Municipal General Eyeball nga gipahigayon Hulyo 16, 2013 sa Heroes Hall sa Mangima Spring Resort.  Katuyuan sa maong panagtigom ang pagpadumdom sa tanang radio handlers bahin sa responsableng pagtingog diha sa frequency sa Respond Quickly Rescue Team(RQRT).

Radio Handlers Eyeball

Radio Handlers Eyeball

Alayon niini, gituki atol sa panagtigom ang radio laws, secrecy of communication, number code ug uban pa. Gituki usab didto ang mga negatibong obserbasyon o mga sayop nga kasagaran madunggan diha sa frequency ug unsay angay nga buhaton.

Si Mayor Rogelio N. Quiño kinsa nag-monitor matag karon ug unya sa RQRT frequency, mipahinumdum sa tanan nga hinumduman kanunay ang katuyuan sa pagmontar sa lungsod og radio frequency og kini aron maka-alagad sa katawhan ilabi na sa panahon sa emerhensya, kagubot ug public assistance. Nagpasalamat usab ang mayor sa makanunayong pag-abag sa tanang mga radio handlers dili lang sa barangay apan lakip usab sa mga pribadong sector nga naka-standby sa frequency sa munisipyo.  “Manghinaut ako nga magpadayon ang inyong pagsuporta aron mahan-ay nato pag-ayo ang atong pagpangalagad diha sa RQRT…we have to burn candles, padayon nga magtuon ug mangita og pamaagi, magplano aron mapalambo pa ang atong programa”, matud pa niya.

Leave a Reply

%d bloggers like this: