Secretary Acosta Nanawagan sa Tuwid na Daan sa Kinaiyahan

Isip natudlong Presidential Adviser and Secretary on Environmental Protection ug General Manager of the Laguna Lake Development Authority, nahimong sentro sa pakigpulong ni Secretary Nereus O. Acosta isip pinasidunggang dinapit sa 96th Araw ng Manolo Fortich, Abril 4, 2013 ang panawagan sa pagtinabangay aron masalbar ang kinaiyahan. “Ang tuwid na daan dili lamang sa panggibyerno apan kinahanglan anaa usab sa environment”’, matud pa niya.

Isip principal author sa balaud pag-protehir sa Mt. Kitanglad, siya nagkanayon nga ang maong protected area, tinubdan sa unom sa pinakadagkong suba nga naghatag og kinabuhi sa tibuok Mindanao. Kini usab matud pa ang usa sa nailhang puluy-anan sa nahibiling Philippine eagles. “Mt. Kitanglad is the home of one of the world’s most richly endowed biodiversity ecosystems. In the record of all ecosystems, mas daghan pa ang biodiversity sa mga tanum, mga mananap nga naa sa Kitanglad kaysa sa parehas nga area sa Amazon River”, matud pa niya. Siya nagalantaw matud pa nga matagaan ug tanang suporta ang mga dapit nga adunay key biodiversity areas sama sa Manolo Fortich.

Gipadayag usab ni Acosta ang makaluluoy nga kahimtang karon sa atong kalasangan sa tibuok nasud tungod sa kaingin ug illegal logging. “We are down to only 1.5 % of forest cover in the whole Philippines, we began with 80% forest cover before the of end of world war 2…that is less than 600,000 hectares”, dugang pa niya. Gani sa Mindanao, 5% na lamang matud pa ang forest cover ug ang nahibiling kakahuyan ania na lang sa Bukidnon, Lanao ug Caraga ug halos wala na sa ubang dapit. Kini matud pa mo-epekto sa pagkahubas sa atong mga watershed kon tinubdan sa tubig.

Niining tanan, nanawagan si Secretary Neric Acosta nga magtinabangay ang tanan sa pag-atiman ug pagtan-aw nga ang atong kinaiyahan makalahutay pa. “Kon walay kasalangan walay tinubdan sa tubig, kon walay tubig walay irigasyon, kon walay irigasyon walay humay, kon walay humay walay pagkaon, kon walay pagkaon walay kinabuhi”. Kini matud pa kampanya sa administrasyon alang sa kinaiyahan ug ang hagit mao ang pagpabalik niini.

Si Secretary Neric Acosta, nga kanhi Board Member ug Kongresista sa unang distrito Bukidnon sa , nahimong principal author sa (Republic Act)RA 8749 kon Clean Air Act, RA 9275 kon Clean Water Act ug RA 9003-Ecological Solid Waste Management Act.

Leave a Reply

%d bloggers like this: