Tulo na Lang ka Tuig sa Dili pa ang Centennial Celebration- Mayor Quiño

Nahimong dugukan sa pakigpulong ni Mayor Rogelio N. Quiño atol sa ika 96 ka sa kasumaran sa pagka-himugso sa atong lungsod ang haduol na nga ika-100 kon Centennial Charter Day celebration sa Manolo Fortich.

“Our dream is to make this town great and we should work together, tulo na lang ka mga charter day celebrations sa dili pa ang centennial celebration”, matud pa niya. Sa iyang mensahe, gibatbat sa mayor ang mga programa ug proyekto nga iyang nasugdan ug ang kasayang niining tanan kon wala ang panaghiusa sa katawhan. Busa ang temang ” Hiniusang kusog sa katawhan, dakong puhunan sa kalambuan”, nagpadayag gayod nga ang matag usa adunay kabahin diha sa pag-angkon sa kinatibuk-ang paglambo. Dugang pa niya, mas daghan ang makab-ot sa atong lungsod kon nag-uyon usab ang tanan diha sa ilang mga panglantaw ilabi na gayod ang mga lideres sa lungsod.

Matud pa ni Mayor Quiño, dako kaayo ang kahigayunan karon sa Manolo Fortich sa pag-access og pondo og mga programang nasyonal tungod kay si Neric Acosta nga taga Manolo Fortich ug kanhi board member ug kongresista sa uang distrito, gitudlo man nga Secretary og Presidential Adviser on Environmental Protection sa Malacañang. Si Secretary Neric Acosta ang nahimong guest speaker sa maong okasyon.

Sa iyang pagtapos, gipasalamatan niya ang tanan ilabi na kadtong mihiklin sa ilang mga kaugalingong interest ug managlahing baruganan aron paglaban sa unsay mas makaayo sa kadaghanan. Gideklarar usab ni Mayor Quiño ang countdown kon pag-ihap sa mga tuig ug adlaw hangtud moabot ang Centennial Celebration aron ipahinumdum sa tanan ang dakong hagit sa pagtinabangay alang sa kalambuan.

Leave a Reply

%d bloggers like this: